Kamp referat:

Flotte forhold på Lysekloster for første seriekamp og ein motivert Viggo gjeng stilte til kamp. Dei 11 som starta siste treningskamp mot Smørås fekk fornya tillitt av Tor-Eivind. Lysekloster stiller med eit sterkt lag og har med fleire spelarar frå førstelaget. Og i dei første minutta av kampen er det Lysekloster som styrer det meste av det som skjer. Dei trillar ballen og vi blir springande mykje imellom. Det tar likevel eit kvarter før dei får utteljing, når Lysekloster slår ballen inn frå sin venstrekant mot bakre stolpe der dei er i overtal og kan sette inn leiarmålet.

Utover omgangen kjem Viggo meir med i kampen og vi klarer etter å skape nokon sjansar til å score sjølve, men det er likevel Lysekloster som skapar dei fleste store sjansane og dei er veldig nær til å auke leiinga ved eit par høver.

I andre omgang startar Viggo betre og vi er meir kompakte når vi forsvarer oss. Vi held meir på ballen og vi er farlege på eit par overgangar og skapar nokon store sjansar. Vi får utteljing når Are pressar keeperen til Lysekloster til å gjere ein feil og Are kan sette ballen i det tome målet til 1-1. Like etter utlikninga forsvinn lyset på bana og vi får ein pause på 15 minutt før spelet kjem i gang igjen. Etter at lyset kjem på igjen flytta Lysekloster opp fleire folk i jakt på fleire mål. Og eit laust skot frå 20 meter snik seg forbi Morten til 2-1 leiing. Viggo gjev ikkje opp og vi pressar Lysekloster høgt i bana og skapar fleire halvsjansar før vi rett før slutt bryt igjennom forsvaret til Lysekloster når Are legg igjen ballen til Ørjan som dunkar ballen i lengst hjørne til 2-2. I kampens siste minutt får vi frispark frå om lag 25 meter. Ørjan skyt i lengste hjørnet og ballen blir stoppa på streken.

Etter ein tøff start kjem vi inn i kampen og får med oss eit poeng frå ein vanskeleg bortekamp, og med litt flaks kunne vi tatt med oss alle poenga.