Ankomsten på Voss var om lag 25 minutt før kampen skulle starta, så Voss var greie og utsette kampen 10 minutt slik at vi fekk til ei kjapp oppvarming. Kampen starta med at Voss har mest ball og spelar mykje på tvers bak og med enkelte langpasningar. Viggo slit med å få tak i spelet, men Voss klarer heller ikkje å skape nokon sjansar trass i at dei har mykje ball. Viggo skapar mest på dødballar, men ingen av laga er farlege i første halvdel av 1.omgang. Viggo kjem meir med utover omgangen og vi skapar nokon farlege overgangar når vi bryt på midten. Målet skal likevel vente på seg og kjem første heilt mot slutten av omgangen. Viggo får eit frispark litt over midten som Martin sler på hovudet til Ove som headar mot lengste hjørne. Voss spelarane klarar ikkje å få avklart og ballen endar til slutt i nettet slik at Viggo leiar 0-1 til pause.  

2.omgang startar jamt og Viggo har god kontroll på det som skjer på bana. Viggo har og ein stor sjanse i starten av andre omgang, når Christian setter fart og blir meia ned av ein av dei bakerste i Voss forsvaret. Det endar med gult kort og frispark til Viggo som det ikkje blir noko av.

Eit kvarter ut i omgangen før Voss kast på si venstreside og etter 3 forsøk klarer dei endeleg å få tatt det på loveleg vis. Det endar dessverre for Viggo med at Voss klarar å spele seg gjennom og sette inn utlikninga til 1-1.

Etter dette er det Voss som skapar mest og det endar og med at dei spelar seg gjennom med om lag eit kvarter igjen og setter inn 2-1. Heilt mot slutten kjem dei seg rundt på si høgreside og innlegget blir satt i mål til sluttstillinga 3-1.

Eit skuffande resultat for Viggo, etter ei kamp der vi tar leiinga og har kontroll i 1 times tid, men går litt tomme for krefter mot slutten.