Etter fjorårets 2 tap mot Loddefjord skulle vi ta revansje i årets heimekamp. Marius må gje seg på oppvarminga og Per kjem inn på laget rett før avspark. Loddefjord startar kampen klart best og dei første 20-25 minutta styrer dei det meste som skjer på bana. Dei får og utteljing etter omlag eit kvart når ein Loddefjord spelar går frå i midten og dunkar ballen opp i vinkelen frå omtrent 20 meter.

Viggo legg opp til 5 på midten halvveis og kjem etter dette mykje meir med i kampen. Vi klarer å holde ballen meir i laget og skaper litt sjansar framover. 10 minutt før pause spelar Ørjan gjennom Per som rundar keeper flott og setter inn utlikninga.

I andre omgang startar Viggo best og 10 minutt etter pause setter Morten i gang eit flott angrep, når han gir ballen til Sindre. Sindre slår ei flott pasning opp til Eirik som forserer opp venstresida før han finn Are i midten som dunkar 2-1 leiing til Viggo. Etter målet står kampen og vippar og begge lag skapar sjansar. Loddefjord får etter omtrent 70 minutt utvist ein spelar for kjefting på dommaren, men dei klarer likevel å utlikne få minutt etterpå.

Få minutt etter dette tar Viggo eit lurt frispark på midten som spelar fri Sjur på høgresida. Sjur klinkar ballen inn framfor mål til Hendrik som stangar inn 3-2 målet. Resten av kampen prøver begge lag å skape sjansar, men det er kun iherdig jobbing av Per som gir resultat. Per vinn ballen aleine på topp og setter inn sitt andre og Viggo sitt fjerde for dagen og sikrar dermed nok ein heimeseier til Viggo.