Siste seriekamp i typisk haustver på Viggo stadion. Ein del forfall førte til ny formasjon og ein del nye folk i troppen. Kampen startar med overtak til Hovding og dei er tøffast i duellane og klarer å skape flest sjansar i starten av kampen. Dei får utteljing etter innkast i bakrommet som Viggo ikkje klarer å plukke opp og ballen blir spelt på tvers til spissen som kan sette inn 0-1.

Viggo kjem meir med etter kvart og vi vinn fleire duellar på midten og skapar ein del framover på bana. Utlikninga kjem etter at Sondre vinn ballen og fører den med seg og setter ballen i mål.

Hovding avsluttar omgangen best og puttar 2 før pause, den første etter ein dødball med klabb og babb i feltet og etter eit innlegg der spissen til Hovding er høgast og stangar inn 1-3.

Etter pause er Hovding forsatt beste laget og dei scorar 1-4 før Viggo får ei redusering med Sjur som setter inn eit flott mål. Heilt på slutten får Hovding enda eit mål når ei avklaring sprett over Morten og inn i nettet.