Grasbana låg grøn og innbydande på Leikvang, men mykje regn i det siste gjorde at kampen mot Hovding gjekk på kunstgraset.

Ein del forfall før kampen, og Karl Ludvik debuterer samtidig som Kent-Ove og Jan-Erik er med frå 7-ar laget og eit sterkt Viggo lag mønstrar til kamp.

Før kampen er fokus på å ikkje undervurdere Hovding som har tapt samtlege kampar så langt i sesongen.

Vi startar med ballen og vi startar kampen med ei lang pasning mot Marius, noko som skulle bli vanleg denne kampen. Begge laga sler mykje langt og det er mykje duellar og kriging over heile bana. Begge laga skapar sjansar på dødballar og lange innkast og for publikum som kom for å sjå mykje småspel blei nok skuffa. Hovding har ein stor sjanse midtvegs i første omgang når ballen går i stanga, men Viggo får klarert ballen vekk. Viggo skapar ein del farlege overgangar, som vi kunne fått meir utav om vi hadde vore meir presise.

Rett før pause får Viggo utteljing når eit langt frispark frå Sindre blir slått inn i feltet og ballen etter fleire duellar landar på omtrent 5 meter. Ove klinkar til med venstrefoten og ballen snik seg inn nede ved stolpen til 0-1 leiing. Denne stilling held seg og til pause.

Andre omgang blir litt som første omgang med mykje duellar og lange ballar. Hovding flyttar laget litt høgare og har meir av ballen, men kjem ikkje nærmare enn eit skot som treff tverrliggaren. Viggo utnyttar etterkvart romma som oppstår høgt i bana og får til fleire fine angrep, men vi klarer ikkje å omsette angrepa i telljande resultat. Etter 87 minutt får vi frispark frå omtrent 25 meter ute mot høgresida. Anders stiller seg opp og skrur ballen over muren og inn i nærmaste hjørne til 0-2. Eit flott frispark av Anders om dermed scorar sitt fjerde mål for sesongen. Siste minutta dreier seg for Viggo mest om å stange vekk lange ballar opp og få ballen lengst muleg vekk frå målet. Dette klarar vi fint og vi sikrar oss dermed ein 0-2 seier over Hovding.