Viggo stilte med nye drakter til kampen, og det virka som vi ikkje var heilt komfortable med dei frå starten av då det var Kalandseid som starta kampen best. Allereide etter få minutt kjem første målet etter ein stuss som går forbi keeper og inn i mål til 0-1. Kalandseid held trykket opp og har og eit landskot i tverrliggaren dei første minutta.

Viggo hevar seg etter kvart litt og etter ein strålande corner frå Ørjan på bakerste stolpe stangar Olav ballen ned heilt inne med stolperota til 1-1.

Trass i utlikninga er det Kalandseid som er det beste laget i denne perioden og dei er flinke til å stresse Viggo når dei ikkje har ballen og er effektive når dei har ball. Dei får og utteljing når ein Kalandseid spelar dunkar ballen inn heilt nede med stanga frå 25 meter etter at ein corner blir klarert ut på 25 meter. 1-3 kjem etter at ein Kalandseid spelar får lov til å snu opp heilt aleine i Viggo sin 16 meter og spelar til ballen inn framfor mål til ein umarkert spelar som kan sette inn 1-3.
1-4 kjem etter ein corner som Kalandseid spelar upressa får stange inn målet.

I pausen er vi bestemt på å prøve å snu kampen, og starten på 2.omgang er meir jamspelt enn første omgang. Vi er meir med i duellane og skapar litt framover, men Kalandseid forsetter å kjempe hardt i alle duellar. Etter om lag 15 minutt ut i omgangen kjem 1-5 når Kalandseid kjem fram på sin høgrekant og spelar på tvers til ein spelar som setter ballen i målet.

Roger stangar inn ei redusering 15 minutt før slutt, men Viggo klarer ikkje å sette inn nokon sluttspurt og går på eit velfortent tap mot Kalandseid.