I nydeleg solskin var Hetlevik motstandar i Viggo sin fjerde kamp for sesongen. Vi forberedte oss på ein tøff kamp, mot eit lag som hadde hatt 4 jamne kampar i starten av sesongen.

Det er og Hetlevik som startar kampen best og vil mest i duellane. Viggo slite med å få spelet til å flyte og vi mistar mykje ballar i starten og vi er ikkje tøffe nok i duellane. Hetlevik får og utteljing etter eit innlegg som Viggo ikkje får klarert langt nok ut av feltet og Hetlevik held oppe trykket og får pressa inn ledarmålet til 1-0. Etter målet er Hetlevik beste dei neste minutta og, men så hevar Viggo seg og siste 15 minutta av første omgangen er det vi som vinner flest duellar og skapar flest sjansar.

Utlikninga kjem etter at Morten setter i gang eit kjapt angrep med utkast til Sjur, som ruser ned over høgre sida. Sjur sler eit flott innlegg som etter litt fram og tilbake havna hos Daniel L som setter inn 1-1.

Etter utlikninga held vi oppe trykket og rett før pause blir Daniel spelt fint igjennom på venstre sida av seksten meteren. Forsvararen heng i drakta, men Daniel slit seg laus og setter inn 1-2.

I andre omgang er det Viggo som er det førande laget. Vi har god kontroll defensivt og skapar mange sjansar framover. Vi får og annulert eit mål for ein tvilsom offside i tillegg til at vi i alle fall skal ha minst ei straffe. Siste 10 minutta flytta Hetlevik opp mykje folk og setter press på Viggo, men dei skapar kun ein stor sjanse som Morten slår ut til corner.

Viggo tar dermed sin tredje strake seier etter nok ein krigekamp.