Kamp referat:
Sola skinte på Os når Viggo tok turen for å møte Søre Neset. Søre Neset startar veldig bra og får 1-0 etter 1 min, etter eit gjennomspel som går til spissen som sikkert setter ballen bak Morten. Viggo hevar seg kjapt og vi pressar Søre Neset bakover på bana. Vi skapar fleire halvsjansar før vi får ein corner etter omtrent 10 minutt. Ørjan sler ballen inn i feltet der Marius er høgast og stangar inn 1-1. Få minutt seinare blir Ørjan spelt fri på midten. Ørjan vender fint og spelar til Eirik. Eirik drar seg forbi eit par mann før han dunkar ballen i mål til 1-2. Resten av omgangen har Viggo god kontroll på Søre Neset. Vi skapar ein del gode sjansar, men vi klarer ikkje å score fleire. Søre Neset har ein stor sjanse til, men Morten gjer ei strålande redning slik at stillinga er 1-2 til pause.

Viggo startar 2.omgang best og vi har god kontroll på Søre Neset. Vi kjem oss fint rundt på kantane, men vi kjem ikkje til dei heilt store sjansane. Om lag eit kvarter ut i omgang spelar vi oss fint fram på venstrekanten. Martin spelar til Anders som dunkar ballen i mål til 1-3. Etter dette hevar Søre Neset seg, og kjem meir med i kampen. Etter 70 minutt får dei frispark frå om lag 25 meter. Ein kort variant av frisparket blir dunka i mål. Etter dette pressar Søre Neset på for utligninga, men Viggo er samtidig nære med å få til nokon farlege overgangar. 5 minutt før slutt spring spissen inn i foten til Ove og går overende, og dommaren dømmer straffe. Morten går feil veg og dermed er stillinga 3-3. Heilt på slutten får Martin ein stor sjanse aleine med keeper. Ballen går i stanga og sprett langs linja før Søre Neset får avklart.

Kampen endar dermed 3-3, etter ein varierande kamp av Viggo. I enkelte periodar er vi gode, men i andre periodar blir vi passive og vinn for få duellar. Alt i alt greitt med uavgjort, sjølv om Viggo var veldig nær sigeren i sluttminutta.