Kamp referat:
Bortekamp på Viggo stadion mot Vestkysten berre 27 timar sidan vi avslutta vår kamp mot Nore Neset. Eit par endringar på laget frå dagen før, og det er eit heiltent Viggo lag som stiller opp til kamp. Før kampen får vi overlevert Vestkysten skjerf av laget med rosa drakter, ein veldig hyggelig gest av våre motstandarar.

Kampen startar i høgt tempo og mens Viggo prøvar å spele langs bakken satsar Vestkysten på høg oppspel mot spissane. Viggo går ut med høgt press og vi lykkast med å vinne ballen ved fleire høve høgt oppe i bana. Vi får og utteljing tidleg når Anders M. slår eit strålande pasning til Martin som rundar forsvar og keeper og setter inn 0-1 til Viggo. Etter målet yppar Vestkysten seg litt og spesielt på dødballar skapar dei nokon farlege halvsjansar. Viggo er likevel farlegast og med det høge presset skapar vi fleire farlege sjansar framover.

Andre målet kjem etter eit direkte frispark frå om lag 20 meter som Ørjan dunkar inn i målet. Deretter Martin frampå og puttar sitt andre for dagen. Vestkysten er fysisk sterke og klarar 10 minutt før pause å stange inn ein corner til redusering 1-3. Viggo slår tilbake få minutt etterpå når Olav slår ei fantastisk pasning i bakrommet til Martin som puttar sitt tredje for dagen og nummer 60 totalt for Viggo. I tillegg har vi og to mål som blir annullerte for offside i 1.omgang,  og stillinga er dermed 1-4 til pause.

I pausen er vi bestemte på å forsette med den gode innsatsen og unngå dei farlege dødballane imot. Vestkysten startar 2.omgang best, og Morten har eit par strålande redningar i starten. Viggo tek etter kvart over spelet igjen og 1-5 kjem etter ei lang avklaring som Daniel T. kjempar vidare til Marius som sikkert trillar ballen forbi keeperen. Vi held oppe trykket og Eirik kan sette inn 1-6 etter ein retur frå keeper. Kristian kjem inn i midten av andre omgang og puttar to kjappe. Først 1-7 etter strålande løp av Stian langs høgresida, som slår inn i feltet og der tuppar Kristian ball. 1-8 kjem etter at Kent-Ove bryt på venstresida og tar med seg ballen oppover. Etter nokon gode kombinasjonar er det igjen Kristian som setter ballen i mål. 1-9 kjem etter at Christopher kjem seg fram på venstrekanten og slår eit presist innlegg på bakarste stolpe. Der er Roger klar og stangar inn dagens siste mål.