Mål: 1-0 - 20 min
2-0 - 35 min
2-1 - 65 min - Cato
3-1 - 85 min
Før kampen på Møhlenpris fokuserte vi på å vere vakne når kampen starta
og unngå tidleg mål imot. Og i starten er vi farlig og berre dommaren
veit kvifor Ørjan ikkje får straffe etter 1 minutt når keeperen til Mann
riv han ned inne i sekstenmeteren. Viggo køyrer fullstendig over Mann og
vi skapar sjanse på sjanse og i løpet av første omgang har vi minst 4-5
hundreprosent sjansar og i tillegg ein haug med halvsjansar. Men vi
klarar ikkje å få ballen i mål. Mann skapar fint lite og første sjansen
kjem etter omlag 20 minutter og den omsetter dei til gjengjeld i mål.
Det er og det som skjer på 2. sjansen dei har og stillinga til pause er
dermed 2-0 til Mann. Er høgt oppe på lista over ufortente pauseresultat.
2.omgang start omlag slik som første, Viggo spelar seg til fleire store
sjansar, men vi maktar ikkje å omsette nokon av dei i mål. Målet vårt
kjem likevel etter 20 minutter av 2.omgang, men det kjem av ei avklaring
av Cato frå høgrebacken som susar frå eigen banehalvdel inn i nettet til
2-1. Viggo held opp trykket i ein god periode etter målet og vi har
fleire enormt store sjansar men vi klarar ikkje å få ballen i mål. Mot
slutten går vi litt tomme og Mann for nokon farlige overgangar og ein av
desse endar med 3-1 målet.
Vi tapar dermed 3-1 i ein kamp der vi er det klart beste laget, men når
vi ikkje klarar å score mål på nokon av sjansane vi har idag blir det
veldig vanskelig å vinne kampar.