Kamp referat:
Bortekamp i Mathopen på ei lita og forblåst bane der vi startar med vinden i mot oss. Vi startar bra og sjølv om vi blir pressa lave av Mathopen, forsvarar vi oss bra og hindrar dei i å kome til store sjansar. Kampen blir prega av mange tette duellar, og i starten av kampen vinn vi mange av desse. Vi klarer ikkje skape så mykje framover, men har bra kontroll bakover. Mot slutten av førsteomgang glippe det litt for Viggo og Mathopen utnyttar dette. Først får kapteinen til Mathopen stå aleine på 10 meter og styre inn ei heading i lengste hjørnet. Og rett før pause tråklar ein Mathopen spelar seg frå midten og setter ballen i hjørnet til 2-0. Viggo går rett frå avspark og ein lang ball frå Marius blir tatt med Kristian som setter inn reduseringa til 2-1.

Andre omgangen startar med klart overtak til Viggo. Vi pressar Mathopen langt tilbake og skapar fleire halvsjansar, og vi får utteljing når Martin setter inn 2-2. Etter målet pressar vi på for vinnarmålet, men vi klarar ikkje å få ballen i mål. I staden kjem Mathopen seg fint fram på sin høgrekant og innlegget blir satt i mål til 3-2 leiing. Rett etter målet kjem Mathopen på nytt rundt på kanten og setter inn 4-2 målet. Etter måla prøvar Viggo å slå tilbake, men Mathopen er gode defensivt og står i mot slik at dei vinner kampen 4-2.