|
Kamp referat:
Strålande kampforhold møtte
oss på Garnes kunstgraset i Arna. Litt liten tropp til kampen
med berre 1 innbyttar, men vi stiller likevel eit sterkt lag.
Kampen startar med eit overtak til Arna-Bjørnar 2, og i starten
trillar dei mykje ball. Etter om lag 10 minutt klarar vi ikkje å
få avklart skikkeleg og vi kjem oss ikkje ut av forsvaret.
Arna-Bjørnar spelar ein ball i bakrommet som blir heada i mål
til 1-0 leiing. Etter kvart kjem Viggo seg meir inn i kampen,
men Arna-Bjørnar har mest ball i første omgang og skapar nokon
farlege sjansar på langpasningar i bakrommet, men Morten ryddar
opp i resten som kjem. Vi skapar nokon gode overgangar, men slit
med å finne folk rett framfor mål som kan få ballen i mål.
Andre omgang startar med
overtak til Viggo og det tek ikkje mange minutta før Daniel T.
bryt ei pasning på tvers og drillar av eit par mann før han
setter ballen i mål til 1-1. Viggo held oppe trykket og styrer
det meste som skjer. Eit frispark frå Olav treff Stian som
stussar Daniel T. igjen mot keeper og dermed står det 1-2.
Arna-Bjørnar skapar lite i 2.omgang, men på ein av veldig få
sjansar dei skapar spelar dei seg igjennom forsvaret og setter
inn 2-2. Vi held oppe trykket og ei strøken langpasning frå
Stian finn Kristian som rundar keeper og setter inn 2-3. Mot
slutten er det mange trøtte bein, men vi held Arna-Bjørnar unna
og styrer inn ein 2-3 seier.
Ein bra førsteomgang, og
ein veldig god andre omgang gjer at vi vinn den siste kampen før
seriestart.
|
