Kamp referat:
Deilig haustver var ramma for heimekampen mot Nordre Fjell 2. Dommaren bestemte før kampen at Viggo skulle starte med medvinden og ballen, og vi startar klart best. Vi køyrer kampen og har full kontroll på det som skjer på bana. Vi er flinke til å la ballen gå mellom oss og kjem oss flott rundt på kantane. Litt unøyaktige i den siste pasninga inn framfor mål gjer at vi ikkje klarar å sette ballen i målet. Midtvegs ut i omgangen får vi frispark frå vår høgrekant. Etter litt diskusjon er det Anders som får sjansen og han skrur ballen forbi heile forsvaret og ballen susar inn i lengste hjørnet til 1-0 leiing for Viggo. Vi held oppe trykket til pause og kunne fort hatt eit par mål før kvilen, men vi går til pause med 1-0.

Vinden har ikkje løya i pausen og 2.omgang startar jamnar enn det første omgang. Det er bølgar fram og tilbake og Nordre Fjell er skapar mykje meir enn i første omgang. Det er likevel Viggo som får utteljing først. Stian sender i veg ei kjempeflott langpasning frå eigen 16-meter til Martin B som spelar Eirik igjennom. Eirik er sikker og aukar leiinga til 2-0. Vi prøvar å holde oppe trykket etter scoringa, men Nordre Fjell kjempar seg tilbake i kampen og får utteljing etter 70 minutter. Vi får ikkje avklart og spissen til Nordre Fjell klarar å få ballen i målet. Kampen står etter dette og vippar. Viggo har nokon sjansar til å punktere kampen, og Nordre Fjell har sjansar til å få utlikninga. Fem minutter før slutt er det Nordre Fjell som etter ein dødball kan sette inn 2-2. Eit skikkelig slag i trynet for slitne Viggo spelarar, men vi hevar oss til ein siste innsats og får utteljing i tilleggstida. Daniel tar med seg ballen frå midtbana og setter full fart nedover høgre kanten. Han sler eit glimarande innlegg og Ørjan er på bakre stolpe og setter inn det viktige 3-2 målet. Etter dette er det Viggo som styrer de meste og Sondre skulle hatt straffe heilt på slutten, men dommaren velje å blåse av kampen i staden. Ein viktig seier for Viggo for å holde seg i toppen av tabellen.