Første heimekamp for sesongen under flott forhold på Nymark grusen.
Viggo starta med medvind i første omgang utan at vi klarte å utnytte
dette i starten av kampen. Apollo startar best og styrer det meste av
spelet dei første 20 minutta. Etter omlag eit kvarter får Apollo ballen
inn feltet og Viggo klarer ikkje å avklare situasjonen skikkelig og
Apollo setter ballen i mål frå i overkant av 20 meter. Etter målet hevar
Viggo seg og siste halvdel av første omgang køyrer vi kampen
fullstendig. Vi er tette bakover og og skaper mange sjansar framover.
Etter halvtimen drar Bobbo av eit par mann og blir lagt ned på omlag 20
meter. Vidar tar fart og setter ballen knallhardt imål. Eit flott
frispark som Vidar sjølv uttalte. Før pause har vi og eit par store
sjansar til å ta ledelsen, men lykkast ikkje å sette ballen imål.
Andre omgang startar som første omgang slutta med klart overtak til
Viggo. Vi spelar enkelt og styrer det meste som skjer på bana. Omlag
midtveis i omgangen tar Apollo over initativet i kampen. Viggospelarane
blir springande mykje imellomg og Apollo sler meir lange baller opp. Mot
spelets gang vinn Svein ein duell på midten og spelar vidare til Knut L
som er på eit flott løp oppover venstre. Han spelar ballen gjennom til
Vidar som aleine med keeper ikkje gjer noko feil og setter inn ballen
til 2-1 ledelse til Viggo. Deretter startar 20 minutter med forsvars
jobbing for Viggo. Vi sliter med å få ballen ut av eige felt og når vi
klarer å få avklart kjem ballen veldig raskt i retur. Vi holder ut til
90 minutter er passert, men 2 minutter på overtid kjem Apollo gjennom på
høgrekanten og får lagt inn framfor mål der ein Apollo spelar på
bakerste kan sette ballen i mål bak Morten. Dermed endar det uavgjort
2-2 og Viggo tar sitt første poeng for sesongen. Men det er surt å berre
å eit poeng når utligninga kjem så seint som den gjer.
Ser ein kampen under eit er det likevel greit med eit poeng til kvart
lag. |